🐱🐶貓狗共養三大要點
3 Tips to Have Cats and Dogs Under the Same Roof

有人話貓狗天生係冤家，冇可能生活喺同一屋簷下......但其實只要搵啱方法，貓狗都可以相親相愛，一齊睇吓貓狗共養嘅秘訣啦：

① 比足夠空間
貓同狗嘅性格同習性好唔同，唔應該夾硬逼佢哋一齊玩，尤其是剛開始一齊生活，最好先將貓狗分隔開，比足夠空間慢慢適應對方。

② 唔好偏心
過分寵愛其中一方會令另一隻覺得被冷落，變得妒忌而影響兩隻寵物嘅相處。加新寵物入屋時主人亦要注意唔好貪新忘舊，要多親近先養嘅寶貝，否則會令佢覺得地位受威脅。

③ 食飯要分開
貓狗嘅食飯地點最好隔一段距離，因為放埋一齊會令佢哋視對方為食物掠奪者，繼而發生爭執，亦要注意唔好將貓狗嘅食物撈亂。